മുഴുവന്‍ നടന്നില്ലെങ്കിലും കുറച്ചൊക്കെ നമുക്കും സാധിക്കും. വേണമെങ്കില്‍ നിങ്ങളുടെ തോട്ടത്തെക്കുറിച്ച് ലോകം അന്വേഷിച്ചെത്തുകയും ചെയ്യും.
പത്തനംതിട്ട കുമ്പഴക്കാരനായ പ്രിന്‍സ് കുമ്പുക്കാടന്‍റെ പരീക്ഷണങ്ങള്‍ പുതിയ ആശയങ്ങള്‍ നല്‍കും.
ഇതുകൂടി വായിക്കാം: നാട്ടുകാരെ സിനിമ കാണിക്കാന്‍ കാട്ടരുവിയില്‍ നിന്ന് വൈദ്യുതിയുണ്ടാക്കിയ മലയോര കര്‍ഷകന്‍
ഇപ്പോള്‍ 250 അമ്പതിലധികം കൊക്കഡാമ രൂപങ്ങള്‍ അദ്ദേഹത്തിന്‍റെ ശേഖരത്തിലുണ്ട്.
ബോണ്‍സായ് പോലെത്തന്നെ നിരന്തരശ്രദ്ധയും ക്ഷമയും ഉണ്ടെങ്കിലെ കൊക്കഡാമയും വഴങ്ങൂ.
കലയോടും ചെടികളോടുമുള്ള ഇഷ്ടം കൂട്ടിനുണ്ടായിരുന്നതുകൊണ്ട് പലതരം പരീക്ഷണങ്ങള്‍ക്ക് പ്രിന്‍സ് മുതിരാറുണ്ട്. തൃപ്പൂണിത്തുറ ആര്‍ എല്‍ വി കോളെജില്‍ നിന്ന് ഫൈന്‍ ആര്‍ട്‌സില്‍ ബിരുദാനന്തര ബിരുദധാരിയായതുകൊണ്ട് കലാ സങ്കേതങ്ങളെക്കുറിച്ചുള്ള അറിവും കൂട്ടിനുണ്ട്.
ചൂടും ഈര്‍പ്പവും നിറഞ്ഞ കേരളത്തിന്‍റെ കാലാവസ്ഥയില്‍ ജപ്പാന്‍കാരുടെ കൊക്കഡാമ പാഠങ്ങള്‍ അതേപോലെ പകര്‍ത്തിയപ്പോള്‍ വിജയം കണ്ടില്ല.
മണ്ണുകുഴച്ച് ഗോളാകൃതിയിലാക്കി അതിന് മുകളില്‍ പ്രത്യേകതരം പായല്‍ പിടിപ്പിച്ച് അതിനുള്ളില്‍ ചെടികള്‍ നടുന്നതാണ് കൊക്കഡാമയുടെ രീതി.
ഇതുകൂടി വായിക്കാം: കടിച്ചത് ശംഖുവരയനാ… അമ്മ എന്നോട് നോക്കാന്‍ പറഞ്ഞു: വനമുത്തശ്ശി ആ കഥ പറയുന്നു
“നമ്മുടെ ഹൈറേഞ്ചില്‍ പോയാല്‍ ഇതിനുപറ്റിയ പായല്‍ കിട്ടും. അവിടം വരെ വണ്ടിയോടിച്ച് പോണം. ചിലപ്പോള്‍ കിട്ടിയില്ലെന്നും വരും.”
കുമ്പഴയില്‍ നിന്നും കാര്‍ത്തികപ്പിള്ളിയിലെ സ്‌കൂളിലേക്ക് (53 കിലോമീറ്റര്‍) ദിവസവും ബുള്ളറിലാണ് പ്രിന്‍സിന്‍റെ യാത്ര. ബൈക്ക് റൈഡേഴ്‌സിന്‍റെ ഒരു സംഘമുണ്ട് പത്തനംതിട്ടയില്‍, അതില്‍ സജീവാംഗവുമാണ്.
ഇതുകൂടി വായിക്കാം: ഒരു പഞ്ചായത്തിന് 12 വര്‍ഷം കാവല്‍ നിന്നത് പെണ്‍സംഘം: ഇത് കേരളത്തിലാണ്
കൊക്കഡാമയിലേക്ക് മടങ്ങാം. നടാനുള്ള ചെടി തെരഞ്ഞടുത്ത ശേഷം അതിന്റെ വേരുകള്‍ക്കുചുറ്റും മണ്ണും ചാണകപ്പൊടിയും ചകിരിച്ചോറും ചേര്‍ത്ത് പിടിപിപ്പിച്ച് ഒരു പന്തുപോലെ ഉരുട്ടിയെടുക്കണം. ആ മിശ്രിതം ഉതിര്‍ന്നുപോകാതിരിക്കാന്‍ നൈലോണ്‍ നൂലുകൊണ്ടോ മറ്റോ ചുറ്റണം. അതിന് മുകളിലാണ് പായല്‍ പൊതിഞ്ഞുപിടിപ്പിക്കേണ്ടത്.
“സെന്‍സിറ്റീവ് അല്ലാത്ത ഏത് ചെടിയും കൊക്കഡാമ ഉണ്ടാക്കാന്‍ ഉപയോഗിക്കാം. ഈര്‍പ്പം കൂടിയാല്‍ അഴുകിപ്പോകാത്ത ചെടികള്‍ തെരഞ്ഞെടുക്കാം,” പ്രിന്‍സ് പറയുന്നു.
ഈ കലാധ്യാപകന്‍റെ വീടിനുചുറ്റും ഇത്തിരിമുറ്റത്തും കക്കഡാമ നിറഞ്ഞു നില്‍ക്കുന്നു.
തൂക്കിയിടാവുന്നവയാണ് അവയെല്ലാം. പന്നല്‍ച്ചെടികളും ഇലച്ചെടികളും മാത്രമല്ല, ഓര്‍ക്കിഡുകളും പ്രിന്‍സ് കോക്കഡാമ രൂപത്തില്‍ ഒരുക്കിയെടുത്തിട്ടുണ്ട്.
ഇതുകൂടി വായിക്കാം: ഈ 81 കാരിയുടെ ആത്മകഥയ്ക്കായി ഫേസ്ബുക്കില്‍ ആരാധകര്‍ കാത്തിരുന്നത് എന്തിനായിരുന്നു?
“ജപ്പാന്‍കാര്‍ ചെയ്യുന്നത് അതേപോലെ കോപ്പി ചെയ്യാതെ വ്യത്യസ്തമായി എങ്ങനെ ചെയ്യാമെന്നാണ് ആലോചിക്കുന്നത്,’ അദ്ദേഹം പറഞ്ഞു. ഈ ഗാര്‍ഡന്‍ ആര്‍ട്ട് പലതരത്തില്‍ ഉപയോഗപ്പെടുത്താം. പാത്രങ്ങളില്‍ വെച്ച് അലങ്കരിക്കാം, അതുമല്ലെങ്കില്‍ പെയിന്‍റിങ്ങ് പോലെ ഉണ്ടാക്കിയെടുക്കാം,” പ്രിന്‍സ് കൂട്ടിച്ചേര്‍ക്കുന്നു.
കൊക്കഡാമ ഉപയോഗിച്ചുകൊണ്ട് ഒരു വലിയ ബുദ്ധന്‍റെ രൂപം നിര്‍മ്മിക്കാനുള്ള ശ്രമത്തിലാണ് പ്രിന്‍സ്.
ഒരു പക്ഷേ, അധികം വൈകാതെ പ്രിന്‍സിന്‍റെ കൊക്കഡാമ ഇന്‍സ്റ്റലേഷന്‍ ലിംക ബുക്ക് ഓഫ് വേള്‍ഡ് റെക്കോഡ്‌സിലും ഇടം പിടിച്ചേക്കാം. അതിനായുള്ള തയ്യാറെടുപ്പുകളിലാണ് അദ്ദേഹം.
“കൊക്കഡാമ ചെയ്യുന്ന നിരവധി പേരുണ്ട്. പക്ഷേ, ഇന്‍സ്റ്റലേഷന്‍ ആരും ചെയ്തിട്ടില്ല. അവര്‍ക്ക് (ലിംക ബുക് ഓഫ് വേള്‍ഡ് റെക്കോര്‍ഡ്‌സ്) ഒരു അപേക്ഷ അയച്ചിട്ടുണ്ട്. അവര്‍ ചില നിര്‍ദ്ദേശങ്ങള്‍ മുന്നോട്ടുവെച്ചിട്ടുണ്ട്,” പ്രിന്‍സ് വിശദമാക്കുന്നു.
