സിവില്‍ സര്‍വ്വീസ് പരീക്ഷയ്ക്ക് സ്റ്റൈപന്‍റോടെ സൗജന്യ കോച്ചിങ്ങ്: എങ്ങനെ അപേക്ഷിക്കാം

യു പി എസ് സി- സി എസ് ഇ 2021-നായുള്ള സൗജന്യ റെസിഡെന്‍ഷ്യല്‍ കോച്ചിങ്ങിനുള്ള അപേക്ഷകള്‍ സ്വീകരിക്കുന്ന അവസാന തീയ്യതി 2020 ഒക്ടോബര്‍ 20 ആണ്

Promotion

നിങ്ങൾ ഒരു യൂണിയൻ പബ്ലിക് സർവീസ് കമ്മീഷന്‍റെ (യുപി‌എസ്‌സി) സിവിൽ സർവീസ് എക്സാമിനേഷൻ (സി‌എസ്‌ഇ) 2021-ല്‍ പങ്കെടുക്കാന്‍ താല്‍പര്യപ്പെടുന്നുണ്ടെങ്കില്‍  നിങ്ങൾക്ക് ഉപകാരപ്പെടാവുന്ന ചില വിവരങ്ങള്‍ ഇതാ.

ജാമിയ ഹംദര്‍ദ് റെസിഡൻഷ്യൽ കോച്ചിംഗ് അക്കാദമി (ആർ‌സി‌എ) യു‌പി‌എസ്‌സി സി‌എസ്‌ഇ-2021 ബാച്ചിനായി അവരുടെ സൗജന്യ റെസിഡൻഷ്യൽ കോച്ചിംഗ് പ്രോഗ്രാമിലേക്ക് അപേക്ഷ ക്ഷണിച്ചിരിക്കുന്നു.

യു‌പി‌എസ്‌സി-സി‌എസ്‌ഇ കോച്ചിംഗിനെക്കുറിച്ച് അറിയേണ്ട കാര്യങ്ങൾ

  • ഈ സൗജന്യ യു‌പി‌എസ്‌സി-സി‌എസ്‌ഇ 2021 കോച്ചിംഗിന് യോഗ്യത നേടുന്നതിന്, ഇൻസ്റ്റിറ്റ്യൂട്ട് നടത്തുന്ന എഴുത്തുപരീക്ഷയും അഭിമുഖവും പാസാവണം.
  • 2020 സെപ്റ്റംബർ 30-നും 2020 ഒക്ടോബർ 20 നും ഇടയില്‍ ഇതിനായി അപേക്ഷിക്കാം.
  • ഉദ്യോഗാർത്ഥികൾ രജിസ്ട്രേഷൻ ഫീസായി 200 രൂപ നൽകണം.
  • യോഗ്യതനേടയാല്‍, യുപി‌എസ്‌സി വിഷയങ്ങളില്‍ അധിഷ്ഠിതമായ ഒരു പ്രവേശന പരീക്ഷയ്ക്ക് ഉദ്യോഗാർത്ഥികള്‍ക്ക് ക്ഷണം ലഭിക്കും.
  • ഈ പ്രവേശന പരീക്ഷയ്ക്ക് ഡെല്‍ഹിയിലും കണ്ണൂരിലും സെന്‍ററുകളുണ്ടാവും.
  • അഭിമുഖം ഡെല്‍ഹി കാമ്പസിലാണ് നടത്തുക.
  • ഈ പ്രോഗ്രാമിനായി അപേക്ഷിക്കുന്നവർക്ക് ഏതെങ്കിലും വിഷയത്തില്‍ ബാച്ചിലേഴ്സ് ബിരുദം ഉണ്ടായിരിക്കണം.
  • തെരഞ്ഞെടുത്ത കുറച്ച് ഉദ്യോഗാർത്ഥികൾക്ക് പ്രതിമാസ സ്റ്റൈപ്പന്റായി 2,000 രൂപയും നൽകും.

യുപി‌എസ്‌സി സി‌എസ്‌ഇ കോച്ചിംഗിനുള്ള പ്രവേശന പരീക്ഷ

Promotion
  •   പ്രവേശന പരീക്ഷ പൊതുവിഷയങ്ങളെക്കുറിച്ചും സി‌ എസ്‌‌ എ ടി-യെക്കുറിച്ചും മള്‍ട്ടിപ്പിള്‍ ചോയ്‌സ് ചോദ്യങ്ങൾ (എംസിക്യു) ഉൾപ്പെടുന്നതാണ്.
  • ചരിത്രം, ഭൂമിശാസ്ത്രം, ഇന്ത്യൻ സമ്പദ്‌വ്യവസ്ഥ, രാഷ്ട്രീയം, ഇന്ത്യൻ ഭരണഘടന, കലാ-സംസ്കാരം, സാമൂഹിക പ്രശ്നങ്ങൾ, ശാസ്ത്ര സാങ്കേതിക വിദ്യ, കറന്റ് അഫയേഴ്സ്-ദേശീയ അന്തർദേശീയ പ്രാധാന്യം, ലോജിക്കൽ ആപ്റ്റിറ്റ്യൂഡും വിശകലന ശേഷിയും, ജനറല്‍ മെന്‍റല്‍ എബിലിറ്റി, ക്വാണ്ടിറ്റേറ്റീവ് ആപ്റ്റിറ്റ്യൂഡ്  എന്നിവയിൽ നിന്ന് 100 മള്‍ട്ടിപ്പിള്‍ ചോയ്സ് ചോദ്യങ്ങളാണ് ഉണ്ടാവുക.
  • പരീക്ഷയിൽ നെഗറ്റീവ് മാർക്കിങ്ങ് ഉണ്ട്.
  • ഓരോ തെറ്റായ ഉത്തരത്തിനും മൂന്നിലൊന്ന് മാർക്ക് കുറയ്ക്കും.

പ്രധാന തീയതികൾ
– അപേക്ഷിക്കാനുള്ള അവസാന തീയതി – 2020 ഒക്ടോബർ 20
– അഡ്മിറ്റ് കാർഡ് ഡൗൺലോഡ് ചെയ്യുക – 26 ഒക്ടോബർ 2020
– പ്രവേശന പരീക്ഷയുടെ തീയതി – 2020 ഒക്ടോബർ 31
– റിസല്‍റ്റ് – 2020 നവംബർ 10
– വ്യക്തിഗത അഭിമുഖം (താൽക്കാലികതിയ്യതി) – 2020 നവംബർ 17 മുതൽ 20 വരെ
– അവസാന ഫലം – 2020 നവംബർ 24
– ഇൻഡക്ഷൻ സെഷൻ – 1 ഡിസംബർ 2020

അക്കാദമിയെക്കുറിച്ച്
2009-ൽ സ്ഥാപിതമായ കോച്ചിംഗ് പ്രോഗ്രാമിന്‍റെ പ്രധാന  ലക്ഷ്യം യുപി‌എസ്‌സി ഉൾപ്പെടെയുള്ള സർക്കാർ, പൊതുമേഖലാ യൂണിറ്റുകളിൽ മത്സരിക്കാനും ജോലി നേടാനും എസ്‌സി / എസ് ടി വിഭാഗത്തില്‍ പെട്ടവര്‍, വനിതകള്‍, ന്യൂനപക്ഷ സമുദായത്തിൽ നിന്നുള്ളവര്‍ എന്നിവരെ സജ്ജരാക്കുക എന്നതാണ്.

വിവിധ സേവനങ്ങളിലേക്കുള്ള  എന്‍ട്രന്‍സ് ടെസ്റ്റുകള്‍ അഭിമുഖീകരിക്കാൻ ഉദ്യോഗാര്‍ത്ഥികളെ സജ്ജമാക്കുന്നതിന് അക്കാദമിക് പിന്തുണയും മാർഗനിർദേശവും വ്യക്തിത്വ വികസനത്തിനുള്ള പിന്തുണയും നല്‍കുക എന്നതാണ്  അക്കാദമി ലക്ഷ്യമാക്കുന്നത്.

ബ്രോഷർ ലഭിക്കുന്നതിന്,ഇവിടെ ക്ലിക്കുചെയ്യാം.


ഇതുകൂടി വായിക്കാം: ഇനി ലക്ഷ്യം സിവില്‍ സര്‍വ്വീസ്: ഡിഗ്രിക്ക് ഒന്നാം റാങ്ക് നേടിയ കുടിയേറ്റത്തൊഴിലാളിയുടെ മകള്‍ പായല്‍ പറയുന്നു


 

Promotion

Leave a Reply

Your email address will not be published. Required fields are marked *

കൊറോണക്കാലത്ത് നാട്ടുകാര്‍ക്കുവേണ്ടി റോഡരുകില്‍ നെല്ലും പച്ചക്കറിയും വിളയിക്കുന്ന ഡ്രൈവര്‍

ഇംഗ്ലിഷും ഹിന്ദിയും മാത്രമല്ല, ജര്‍മ്മന്‍ ഭാഷയും അട്ടപ്പാടിയിലെ ഈ കുട്ടിട്ടീച്ചര്‍ പഠിപ്പിക്കുന്നുണ്ട്!